БЭЛТГЭЛ ХӨТӨЛБӨР

      Хүүхэд цэцэрлэгээс сургуульд шилжин орох явцад тоглох үйл нь суралцах үйлээр солигдож, сэтгэл зүй болон орчин нөхцөл, харилцах хүмүүс өөрчлөгдөж өөрөө бие даан суралцах шаардлага гардаг. Энэ үед хүүхэд бие болоод сэтгэлзүйн хувьд тухайн өөрчлөлтөд дасан зохицох болдог учир хүүхдийг сургуульд элсэх үед бий болдог бэрхшээлийг даван туулах, суралцах анхан шатны арга барил эзэмших зэрэг сургуульд бага багаар бэлдэх зайлшгүй шаардлага гарч ирдэг байна.

Зорилго: Суралцагч сургуулийн орчин, сурах үйл ажиллагаанд дасан зохицож эхлэх, сурах сонирхол, сурах арга барилын талаар чиг баримжаатай болох зэрэг сургуульд ороход эзэмшсэн байх шаардлагатай чадваруудыг эзэмшүүлэхэд оршино.

       Хүүхэд сургуульд бэлтгэгдэх нэг чухал хэсэг бол сэтгэл зүй юм. Сэтгэл зүйн хувьд тодорхой хэмжээнд бэлэн байх нь сургуулиас айх, залхахгүй байх, шинэ орчинд дасаж, суралцахад дэмжлэг болдог. Сүүлийн 20 жилийн хугацаанд хийгдсэн судалгааны үр дүнд хүүхдийн нийгэм, сэтгэл зүйн чадвар нь суралцах үйл явцын эрт үе шаттай чухал холбоотой байдгийг илрүүлжээ.

Нийгэм сэтгэл зүйн хөтөлбөрийн програм:

• Сургуулийн талаарх бодит төсөөлөл олгох

• Хичээл дээр ямар, ямар мэдрэмж, сэтгэл хөдлөл бий болох вэ?

• Багш болон найздаа өөрийгөө илэрхийлэх

• Асуудал гарвал хэнд хэлэх вэ?

• Аав, ээжтэйгээ хамт хичээлээ хийх нь

• Эцэг, эхчүүдэд зориулсан сэтгэл зүйн сургалт

Хүүхдийг нийгэм сэтгэл зүйн хувьд сургуульд бэлтгэх нь:

• Сургууль, багш, хамт суралцах хүүхдүүдийн талаар зөв төсөөлөлтэй болох

• Таагүй зүйл болбол багшдаа хэлж чаддаг байх

• Өөрт мэдрэгдэж буй сэтгэл хөдлөл, мэдрэмжийг илэрхийлж сурах

• Зааварчилгаа, дүрмийн талаар ойлголттой болж, мөрдөх

• Бусадтай харилцах

• Өөрийнхөө талаар үгээр илэрхийлж сурах зэрэг чадвар суралцах болно.

• Сургууль дээр мөрдөх дэг журмыг дагаж сурах
• Багш, сурагчидтай харилцах
  
• Багаар ажиллах, өөрийн ээлжийг хүлээж сурах
• Гарын жижиг булчин хөгжүүлэх, гар зүгшрүүлэх
• Бусдаас тусламж хүсэх, бусдад туслах
• Бусдад талархах, зөвшөөрөл авах, өөрийн хэрэгцээг илэхрийлэх
• Асуулт асуух, асуултанд хариулах
• Бусдыг анхааралтай сонсох
• Ойлгосноо илэрхийлэх
• Зүй тогтлыг олох, тайлбарлах
• Нэрлэх, тоолох, харьцуулах, ангилах
• Зурлага, дүрс зурах

СУРГАЛТ 

ES SIGNATURE PROGRAMS

Art